UJENZI WA DARAJA UNAENDELEA LAKINI NJIA INATISHA KWA MPALANGE {Promasika}

Promasika.Com

Na Bakari Madjeshi, Michuzi TV

Njia ya Kilungule inayounganisha Kata hiyo na eneo la Buza Kwa Mpalange imeendelea kumomonyoka na kuwapa shida wapita njia, Madereva wa Magari na Bajaji katika maeneo hayo.

Usafiri wa Bajaji unaochukua abiria kutoka Buza Kwa Mama Kibonge hadi Kilungule zimelazimika kuishia kwenye eneo linapojengwa Daraja hilo (eneo maarufu Kwa Mpalange), huku Abiria hao wakilazimika kuishia eneo hilo kutokana na Bajaji hizo kushindwa kupita kwa sababu ya ujenzi wa Daraja unaoendelea.

Hata hivyo changamoto hiyo ya muda inaendelea kutatuliwa na Kampuni ya Group six international [G S I ] inayojenga Daraja litakalounganisha maeneo hayo bila changamoto yoyote kwa Watumiaji, huku mmoja wa Wasimamizi wa mradi wa ujenzi huo akitoa taarifa ya ujenzi kukamilika Januari 2022.